Һөҕүҥ - сахалыы андроид!

Михаил Кыраһа диэн Эмиэрикэҕэ олорор биир дойдулаахпыт Андроидка сахалыы клавиатура аттарыытын оҥордо.

Бу үстүрүмүөн андроидтаах коммуникатордарынан ситим-сирдэргэ сахалыы суруйары, социал-ситимнэргэ суруйсары хааччыйар.

Үчүгэйдик көстүбэт буоллаҕына ойууну баттаа - улаатыа.

Ону ааһан эбээн, эбэҥки, дьукээгир омуктар алпабыыттарын эмиэ өйүүр.

Хачайданан ылан туруорунан көрүҥ!

Эбэҥки тылын клавиатууратын аттарыыта

Жаргал Бадагаров (Улан-Удэ) саҥа эбэҥки аттарыытын оҥорбутун туһунан бу сарсыарда биллэрдэ. Хайа, хайдах, оттон баар этэ дии диэбиппин, эбэҥкилэр ону табыгаһа суох дииллэр диэтэ.
Соторутааҕыта Бурятияҕа кэмпириэнсийэ буолбута, сүтэн эрэр тыллар кыһалҕаларын быһаарсар соруктаах. Онно Саха сириттэн икки дьахтар баар үһү, эбээн уонна эбэҥки.

Ааттарын Жаргаал өйдөөбөт, кэлин көрөн этиэм диэтэ.

Киһи дьиксинэрэ манна биир эрэ - хас да стандаарт баар буоллаҕына мөккүөр тахсыан, ол мөккүөр үчүгэйгэ тиэрдиэ суоҕун эмиэ сөп.